嘉嘉N班戰鬥實況

呢一排真係好忙好忙呀!!! 忙報名忙interview, 最後我地都報左17間學校, 其中美孚朗思,卓思,宣美都要通宵排隊攞form同交form,真係辛苦晒老公,不過佢話為左嘉嘉都值得喎~

我地而家6間學校,簡單地做下record先:

1) 青衣啓思﹣5/10
呢 間係嘉嘉第一次嘅interview,不過實在不太滿意學校嘅安排,同時叫我地同另一個小朋友入房in,人地入到去就即刻有得in,而我地係間房入面就等 左足足15分鐘,而面前只有架車車玩,到左老師黎嘅時候已經耐性用盡,當老師拎起嘉嘉手上架車車問佢係咩黎個陣,嘉嘉以為老師搶走佢件玩具,然後出手打老 師,係呢個時候我都知fail,而老師都係求其問左兩句就完左個interview,整體黎講感覺啓思都不是我地杯茶,所以都不太覺得可惜。

2) 美孚朗思國際幼稚園﹣31/10
一 入到去間學校,見到真係有好多個外籍老師,而且D老師都好nice,當我地報到完之後,就係間房等一陣,然後就叫名入去另一間房到,檯上面擺左好多玩具, 我就幫kaka揀左一個玩具電腦玩,因為知佢一定鍾意玩,都坐到好定,反觀同房另外2,3個小朋友都好想離檯,呢個時候有2個外籍老師同時mark緊野, 我估可能係mark緊d小朋友坐得定唔定,大約10分鐘左右,我地又要去另一間房interview.  入到房,同老師say hello同拉櫈坐, 然後老師就問你叫咩名,kaka答"咩",激死==,跟住老師就問張相係邊個,好彩佢都仲識答kaka,老師又再問邊個帶你黎呀,kaka就好耐先答 mama,然後老師再俾個波波俾kaka問佢係咩黎,叫佢俾老師,好彩都做到,跟住得分位黎啦~~老師拎左一個5格拼圖板出黎,呢個拼圖係西部牛仔嘅公仔 黎,老師抽起其中3格,叫kaka砌返,點知kaka就將老師無抽出黎個2格都抽埋出黎,然後真係砌返晒落去＠＠,真係估佢唔到,老師讚佢好記性,同時亦都見老師即刻mark分,最後老師拎左2張貼紙出黎,叫kaka揀一張,揀左一張之後都有講謝謝,bye bye,推櫈,完成^^

3) 九龍塘迦南﹣1/11am
迦 南真係超多人,校長話有4000份apply,上下午班共收400人,所以interview當日真係多人得好緊要~當日準時去到,不過可能超多人關係, 都仲要等左半個鐘,我地都係個playgroup到等,係到玩左陣,我就同kaka去interview,爸爸就分頭去聽簡介會.  我同kaka被帶到去一間房到得左一陣,然後就分派去interview room入面,入到去,巡例say hello同拉櫈坐,跟住老師就拎左4張相出黎問佢係咩黎,wow wow,喵喵,車車,bird答晒,然後就疊高高,之後老師再拎蘋果,橙,香蕉做配對,好彩呢D都做晒,最後老師送左隻bear公仔,kaka謝謝,bye bye,推櫈,完成^^

4)  海濱迦南﹣1/11pm
同 樣受到不公平對待,當叫名入房後,我地揀左一張檯坐低,當時未有老師,過左陣又有另一個考生坐左埋黎,其實都無咩野,我地都有一齊玩,玩左陣終於有老師 黎,但係因為人地遲黎坐開面，所以老師就in佢地先,都in左成15mins,當然我都一直留意佢地in咩啦,好啦,人地終於in完到我地,點知老師只問 左2個問題就送個bear俾kaka,然後就完左個interview,已經feel到老師好無heart,可能同之前個考生好好傾,相比之下,老師心中 有數,所以都無心機in我地.

5)  海濱方方﹣2/11
相比起九龍塘迦南,等嘅時間更加長,等左差不多一個鐘,而面試形式係父母一齊in,原本都好好地,但可能爸爸太想為kaka加分關係,由原本老師問野,變到最後係爸爸lead住人地老師,真係滴晒汗,至於內容...真係無咩印象XD

6) 亞斯理﹣9/11
唔知咩情況,爸爸同佢in,不過爸爸話佢掉玩具同十問九唔應==

7) 青衣宏福﹣16/11
經過之前5次interview, 宏 福係最無壓力,又睇到小朋友最真一面,因為佢成個interview都無問過一條問題,一入去,我地編左去睇圖書,當中有老師mark分,從旁觀察小朋友 坐得定唔定,識唔識自己拎同放圖書,老師又會黎問下書上面D公仔係咩咁,過左10分鐘,老師又叫我地去左玩廚房玩具,成個過程老師又係o係到mark分, 過左10分鐘到,就咁就完左成個interview~

8) 樂基幼兒幼稚園﹣7/12
一 早9:15 interview, 早15分鐘去到, 都係校門出面排左一陣隊, 入到去之後, 係playgroup出面玩左一陣等叫名, 玩左大約10分鐘到, 就叫名去房interview啦~今次係group interview, 房入面計埋我地有8個family, 首先老師點名, 叫名嘅小朋友要出去拎返張登記證, 呢part KaKa做到, 之後一人一籃動物, 要家長係入而揀左小朋友最like嘅動物嘅相(我揀左豬), 之後就叫小朋友揀個隻動物(KaKa揀左牛), 我同kaka似乎唔係好夾, 跟住老師叫大家拎隻啡色嘅動物出黎, 叫 大家拎住呢動物放係頭, 再放係膝頭, KaKa無做. 然後老師就叫大家講一下小朋友平時鍾意做D咩活動, 之後就叫大家一齊跟住老師跳舞, 扮monkey, 扮象象同jump, Kaka只做jump.  其實呢間學校機會都幾微, 聽聞要人介紹先會收, 而流出黎嘅學位少之又少, 所以都係志再參與. 

9) 綠楊幼稚園暨幼兒園﹣7/12
 同一日in完HKPS後, 食個早餐再去轉戰綠楊, 綠楊係in咁多間學校, 家長in得最舒服嘅一間, 我地報到後, 就去waiting room先玩一陣等叫名, 之後就排隊去間大房到, 5個family坐係到, 主任就先點名, 點名後就有一個老師帶一個小朋友出去玩d玩具, 家長就係牆邊坐. 老師先帶KaKa去玩傳波波, 將幾個波由一面嘅籃搬去另一邊個籃, KaKa做晒, 然後去玩大積木, 一玩就出事, 掃lum晒D大積木, 跟住就去玩生果玩具, 我偷聽唔到老師叫kaka做d咩, 轉個頭又去左砌puzzel, 又係睇唔到咩情況, 最後老師送一個波波俾kaka就完左啦~不過我估應該都係無咩機會,最多都係得waiting list, 因為實在太多人apply啦, 畢竟交form時由綠楊排到去大窩口呀!!!
 
Result: 
1) 青衣啓思 - Fail(預期中事,打老師wo XD)
2) 美孚朗思國際幼稚園 - am offer(interview完都覺得in得幾好,好大機會,而且我地交form排第33)
3) 九龍塘迦南 - pm offer(都覺得in都幾好,不過太多人apply,成數不大,點知又有offer喎!)
4) 海濱迦南 - Fail(都估到)
5) 海濱方方 - pm offer
6) 亞斯理- waiting list
7) 青衣宏福 - am offer

Kaka終於有書讀啦~其實都爭扎左好耐讀邊間好,最後都偏向Think,一來am offer,二來又近屋企,15mins到就返到學,而Cannan一程車要成45mins,對一個小朋友黎講都幾遠. 而家真係放下心頭大大大石~舒一口氣~~呼~~